எக்ஸ்பிரஸ் பேர்ள் கப்பலால் ஏற்பட்ட இழப்பீடு குறித்து முடிவு செய்ய குழுவை நியமிக்கவும் - உச்சநீதிமன்றம் உத்தரவு
அண்மையில், கொழும்பு துறைமுகத்திற்கு அருகில் எக்ஸ்பிரஸ் பேர்ள் கப்பலில் ஏற்பட்ட தீ விபத்தால் மீனவர்களுக்கு ஏற்படும் சுற்றுச்சூழல் பாதிப்புக்கு இழப்பீடு வழங்குவது குறித்து சட்டமா அதிபர் தலைமையிலான குழுவை நியமித்து உச்சநீதிமன்றம் உத்தரவிட்டது.
குறித்த கப்பலில் ஏற்பட்ட தீ விபத்தினால் ஏற்பட்ட சேதங்களுக்கு இழப்பீடு வழங்குமாறும், சம்பவத்திற்கு காரணமானவர்கள் மீது வழக்குத் தொடர உத்தரவு பிறப்பிக்குமாறும் நான்கு அடிப்படை உரிமை மனுக்கள் கோரப்பட்ட போதே இந்த உத்தரவு பிறப்பிக்கப்பட்டுள்ளது.
இந்தக் கப்பலின் தீயினால் சுற்றுச்சூழலுக்கும் மீனவர்களுக்கும் ஏற்பட்ட நட்டஈடு தொடர்பில் நீதிமன்றில் ஆவணங்கள் சமர்ப்பிக்கப்பட்டதாக சட்டமா அதிபர் சார்பில் ஆஜரான மேலதிக சொலிசிட்டர் ஜெனரல் நெரின் புள்ளே தெரிவித்தார்.
கப்பல் நிறுவனம் சார்பில் ஆஜரான ஜனாதிபதியின் சட்டத்தரணி ஹர்ஷ அமரசேகர, அது தொடர்பில் இடைக்கால கொடுப்பனவு செய்யத் தயார் எனத் தெரிவித்தார்.
இச்சம்பவம் தொடர்பில் தாம் நட்டஈடு வழங்கிய போதிலும் தமது தரப்பினருக்கு எவ்வித பணமும் வழங்கப்படவில்லை என மனுவொன்றை தாக்கல் செய்திருந்த தொழில்சார் மீனவர்களான டபிள்யூ.காமினி பெர்னாண்டோ மற்றும் கிறிஸ்டோபர் சரத் பெர்னாண்டோ சார்பில் ஆஜரான சட்டத்தரணி ஹிமாலி குலரத்ன தெரிவித்துள்ளார்.
உண்மைகளை பரிசீலித்த மேல் நீதிமன்ற நீதிபதி எஸ்.துரைராஜா, இச்சம்பவம் தொடர்பில் கப்பலுக்கு சொந்தமான நிறுவனமும் காப்புறுதி நிறுவனமும் நட்டஈடு வழங்க தயாராக இருப்பதாகத் தெரிகின்றது.
ஆனால் அதை செலுத்த முறையான வழி இல்லை என்று நீதிமன்றம் கண்டறிந்துள்ளது.
அந்த கொடுப்பனவுகளை முறையாகவும் வெளிப்படைத்தன்மையுடனும் செய்வது முக்கியம் என்றும் நீதிபதி குறிப்பிட்டார்.
அதன்படி, இடைக்கால கொடுப்பனவுகளை இழப்பீடாக வழங்கும் முறையை தீர்மானிக்க ஒரு குழுவை நியமிக்க வேண்டும் என்று பெஞ்ச் முடிவு செய்தது.
அட்டார்னி ஜெனரல் மேற்படி குழுவிற்கு வசதி செய்து கொடுக்க வேண்டும், மேலும் இந்த மனுக்கள் ஒவ்வொன்றையும் பிரதிநிதித்துவப்படுத்தும் இரண்டு மனுதாரர்களை உள்ளடக்குமாறு உத்தரவிட்ட நீதிபதிகள் இரண்டு வாரங்களுக்குள் மேற்படி குழு உறுப்பினர்களை பெயரிடவும் உத்தரவிட்டனர்.
உரிய கொடுப்பனவுகள் மற்றும் நபர்கள் தொடர்பான முன்மொழிவுகளை நான்கு வாரங்களில் சமர்ப்பிக்கவும் உத்தரவிடப்பட்டது.
