சில நோய் எதிர்ப்பு மருந்து வகைகளின் பற்றாக்குறையினால் எதிர்கால;த்தில் ஆபத்து: மருத்துவர்கள் எச்சரிக்கை

சில நோய் எதிர்ப்பு மருந்து வகைகளின்  பற்றாக்குறையால் சுகாதாரத்துறையில் ஏற்படும் பிரச்சனைகள் எதிர்காலத்தில் மேலும் வளரக்கூடும் என்று மருத்துவர்கள் கூறுகின்றனர்.

பல பொது மருத்துவமனைகளில் மலிவான நுண்ணுயிர் எதிர்ப்பிகள் கூட கிடைக்கவில்லை என்று அவர்கள் சுட்டிக்காட்டுகின்றனர்.

சாதாரண அளவிலான நுண்ணுயிர் எதிர்ப்பிகள் இல்லாததால், நோயாளிகளுக்கு வலுவான நுண்ணுயிர் எதிர்ப்பிகள் வழங்கப்பட வேண்டும் என்று மருத்துவர்கள் சுட்டிக்காட்டுகின்றனர்.

இத்தகைய வலிமை கொண்ட நுண்ணுயிர் எதிர்ப்பிகள் பொதுவாக நோயாளிகளுக்கு வழக்கமான அடிப்படையில் வழங்கப்படுவதில்லை. இவ்வாறான மருந்துகளை நோயாளர்களுக்கு வழங்குவதன் ஊடாக பக்டீரியா நோய் எதிர்ப்பு சக்தியை பெற்று எதிர்காலத்தில் நோயாளர்களுக்கு நுண்ணுயிர் எதிர்ப்பிகளை வழங்கினாலும் பலன் கிடைக்காது என வைத்தியர்கள் மேலும் சுட்டிக்காட்டுகின்றனர்.

இதேவேளை, ஆயிரத்துக்கும் மேற்பட்ட மருந்து வகைகளின் விலையை ஒழுங்குபடுத்துவதில் அரசாங்கம் தலையிடாமையால், கறுப்புச் சந்தை உருவாகியுள்ளதாக அரசாங்க மருத்துவ அதிகாரிகள் சங்கம் குற்றம் சுமத்தியுள்ளது.

இச்செய்திக்கு பிரதான அனுசரணை

வீடியோ இங்கே