முத்துராஜா யானை இலங்கையில் தடுத்து வைக்கப்பட்டுள்ளமை தொடர்பில் கலந்துரையாடல்

தெஹிவளை மிருகக்காட்சிசாலையினால் முத்துராஜா யானையை பராமரிக்க தேவையான நடவடிக்கைகளை எடுக்குமாறு வனஜீவராசிகள் அமைச்சின் செயலாளருக்கு வனஜீவராசிகள் அமைச்சர் பணிப்புரை விடுத்துள்ளார்.

முத்துராஜா யானை முன்னாள் ஜனாதிபதி சந்திரிக்கா பண்டாரநாயக்க குமாரதுங்கவுக்கு தாய்லாந்தில் இருந்து நன்கொடையாக வழங்கப்பட்ட யானை பின்னர் அளுத்கம விகாரையில் ஒப்படைக்கப்பட்டது.

ஆனால் யானைக்கு பொறுப்பாக இருந்த யானை பண்ணையாளரின் நடத்தையால் யானை கடும் தொல்லைகளை எதிர்கொண்டது பின்னர் தெரியவந்தது.

எனவே இலங்கைக்கான தாய்லாந்து தூதுவர் முத்துராஜா யானையை மலையிலுள்ள கோவிலில் இருந்து எடுத்துச் சென்று தெஹிவளை மிருகக்காட்சிசாலையின் பாதுகாப்பில் வைத்ததாக வனஜீவராசிகள் மற்றும் வனவள பாதுகாப்பு அமைச்சு தெரிவித்துள்ளது.

யானை தற்போது தெஹிவளை மிருகக்காட்சிசாலையின் ஊழியர்களால் பராமரிக்கப்பட்டு வருவதாகவும், யானையை தாய்லாந்துக்கு கொண்டு செல்ல தாய்லாந்து தூதுவர் தீர்மானித்துள்ளதாகவும் தெரிவிக்கப்படுகிறது.

முத்துராஜா யானை இலங்கையில் தடுத்து வைக்கப்பட்டுள்ளமை தொடர்பில் நேற்று (15) விவசாய, வனஜீவராசிகள் மற்றும் வன வளங்கள் பாதுகாப்பு அமைச்சர் மஹிந்த அமரவீர, அமைச்சின் செயலாளர்  சந்திரா ஹேரத்துடன் நீண்ட நேரம் கலந்துரையாடினார்.

இதன்படி முத்துராஜா யானையை தெஹிவளை மிருகக்காட்சிசாலையில் வைக்க தேசிய விலங்கியல் திணைக்களம் இணக்கம் தெரிவித்துள்ளதாகவும் தாய்லாந்து தூதுவருடன் கலந்துரையாடி தேவையான நடவடிக்கைகளை மேற்கொள்ளுமாறு செயலாளருக்கு அமைச்சர் பணிப்புரை விடுத்துள்ளதாகவும் தெரிவிக்கப்பட்டுள்ளது.

இச்செய்திக்கு பிரதான அனுசரணை

வீடியோ இங்கே