பிரித்தானியாவில் கடந்த சில நாட்களாக ஏற்பட்டுள்ள பொருளாதார நெருக்கடியையடுத்து உணவுப்பொருட்களின் விலை கடுமையாக அதிகரிப்பு!
பிரித்தானியாவில் கடந்த சில நாட்களாக ஏற்பட்டுள்ள பொருளாதார நெருக்கடியையடுத்து லண்டனில் உணவுப்பொருட்களின் விலை கடுமையாக அதிகரித்துள்ளது.
இந்த நிலையில் லண்டனில் பல இடங்களில் உணவு வங்கி துவங்கி ஏழைகளுக்கு உணவு வழங்கும் நிலை ஏற்பட்டுள்ளது.
வல்லரசு நாடான பிரித்தானியாவில் தற்போது பால் உள்ளிட்ட உணவு பொருட்களின் விலையேற்றத்தினால் ஏழை, நடுத்தர மக்கள் மிகவும் கடுமையாக பாதிக்கப்பட்டுள்ளனர்.
இதனால், லண்டனில் அறக்கட்டளை மூலமாக உணவு வங்கி ஏற்பாடு செய்து ஏழைகள், முதியவர்களுக்கு உணவு வழங்கப்படுகின்றது.
இதற்கமைய, முன்பதிவு செய்து உணவு பெறுவோரின் எண்ணிக்கை அதிகரித்து வருவதாகவும் தெரிவிக்கப்படுகின்றது.
கடந்தாண்டில் நிதி உதவி வழங்கியவர்கள் கூட தற்போது உதவி பெறும் நிலைக்கு தள்ளப்பட்டிருப்பதாகவும் உணவு வங்கி மேலாளரொருவர் தெரிவித்துள்ளார்.
உயரும் வாழ்க்கைச் செலவு நெருக்கடி, நன்கொடைகள் குறைந்து வரும் அதே வேளையில் அதிகமான மக்களின் உணவு தேவை அதிகரித்துள்ளது.
தற்போது, பிரித்தானியாவில் உணவு விலைகள் ஆபத்தான விகிதத்தில் உயர்ந்து வருகின்றன, இது பல முதியவர்களின் ஓய்வூதியத்திற்கும் பாரிய பாதிப்பை ஏற்படுத்தியுள்ளதென லண்டனில் வசிக்கும் எலைன் தெரிவித்துள்ளார்.
வாராந்திர அடிப்படையில் உணவு வங்கிகளுக்கு செல்லும் போது ஊடகங்களுக்கு கருத்து வெளியிட்டவர் இதனை குறிப்பிட்டுள்ளார்.
அத்துடன் காலை உணவை சூடாக சாப்பிடும் நிலைமையும் இல்லாமல் போயுள்ளதென அவர் குறிப்பிட்டுள்ளார். இறுதியான சூடான காலை உணவு உட்கொண்ட நாள் நினைவில் இல்லை என அவர் கூறியுள்ளார்.
இதேவேளை, பிரித்தானியாவில் பால் மற்றும் சீனி போன்ற உணவுப் பொருட்களும் புதிய உணவுடன் விலை உயர்ந்தன என்று தேசிய புள்ளியியல் அலுவலகம் வெளியிட்டுள்ள தகவல்கள் தெரிவிக்கின்றன.
