சிறைக் கைதிகளை பயமுறுத்தியதற்காக முன்னாள் அமைச்சர் விசாரிக்கப்படவில்லை

2021 ஆம் ஆண்டு வெலிக்கடை மற்றும் அனுராதபுரம் சிறைச்சாலைகளில் பலவந்தமாக நுழைந்து பல கைதிகளை மிரட்டிய சம்பவம் தொடர்பில் முன்னாள் சிறைச்சாலை முகாமைத்துவ மற்றும் கைதிகள் புனர்வாழ்வு இராஜாங்க அமைச்சர் லொஹான் ரத்வத்தவிற்கு எதிரான வழக்கு இன்னும் நிலுவையில் உள்ளதாக ஸ்ரீலங்கா பொதுஜன பெரமுன தெரிவித்துள்ளது. 

 ஸ்ரீலங்கா பொதுஜன பெரமுனவுக்கு அவ்வாறான செயற்பாடுகளை முன்னெடுக்க முடியாது என பொதுச் செயலாளர் சாகர காரியவசம் ஊடகங்களுக்குத் தெரிவித்துள்ளார்.

 “இந்த சம்பவம் குறித்து பொலிஸ் முறைப்பாடு கொடுக்கப்பட்டுள்ளதா என்பதுதான் முதல் விஷயம்.

 இது தொடர்பாக பொலிஸ் முறைப்பாடு அல்லது வேறு சட்ட நடவடிக்கை இல்லாவிட்டால், ஒரு கட்சியாக நாங்கள் எந்த நடவடிக்கையும் எடுக்க முடியாது.

 ஏனென்றால், விசாரணை அறிக்கையின் அடிப்படையில் மட்டும் ஒரு பொதுப் பிரதிநிதி மீது இதுபோன்ற நடவடிக்கை எடுக்க முடியாது.

 ஏதேனும் ஒரு தரப்பினர் தவறுதலாக அவ்வாறு செய்தால், சம்பந்தப்பட்ட எம்.பி., அக்கட்சிக்கு எதிராக சட்ட நடவடிக்கை எடுக்க முடியும். 

 அதனால்தான் சட்டப்படி ஏற்றுக்கொள்ளக்கூடிய அடிப்படை இருக்க வேண்டும். அவர் மீது சுமத்தப்பட்டுள்ள குற்றச்சாட்டுகள் சம்பந்தப்பட்ட நீதிமன்ற நடவடிக்கைகளின் மூலம் நிரூபிக்கப்பட்டால், அதற்கேற்ப நடவடிக்கை எடுக்க முடியும்” என்றார். 

 இந்த சம்பவம் தொடர்பாக விசாரணை நடத்திய முன்னாள் உயர் நீதிமன்ற நீதிபதி குசலா சரோஜனி வீரவர்தன தலைமையிலான ஒருநபர் குழு தனது இறுதி அறிக்கையில் ரத்வத்த மீது கொலை முயற்சி உள்ளிட்ட குற்றச்சாட்டுகளை தண்டனை சட்டம் உட்பட பல சட்ட விதிகளின் கீழ் பதிவு செய்ய வேண்டும் என பரிந்துரைத்துள்ளது.

இச்செய்திக்கு பிரதான அனுசரணை

வீடியோ இங்கே