இரத்தினபுரி வன்முறை: சுகத் திஸாநாயக்க உள்ளிட்ட 6 பேருக்கும் 5 வருட கடூழியச் சிறைத்தண்டனை

1997ஆம் ஆண்டு பாராளுமன்ற உறுப்பினர் நாலந்த எல்லாவல படுகொலை செய்யப்பட்டதைத் தொடர்ந்து இடம்பெற்ற வன்முறைச் சம்பவங்கள் தொடர்பாக குற்றஞ்சாட்டப்பட்ட இரத்தினபுரி பிராந்திய சபையின் முன்னாள் தலைவர் சுகத் திஸாநாயக்க உட்பட 6 பிரதிவாதிகளுக்கு இரத்தினபுரி மேல் நீதிமன்றினால் விதிக்கப்பட்ட 5 வருட கடூழியச் சிறைத்தண்டனையை உச்ச நீதிமன்றம் இன்று உறுதி செய்தது.

 முர்து பெர்னாண்டோ, எஸ். நீதிபதிகள் துரைராஜா, அச்சலா வெங்கப்புலி ஆகியோர் அடங்கிய அமர்வு இந்த தீர்ப்பை வழங்கியது.

 இரத்தினபுரி பிரதேசத்தில் நாலந்த எல்லாவல கொல்லப்பட்டதை அடுத்து ஏற்பட்ட வன்முறையின் போது கடையொன்றுக்கு தீ வைத்ததாக குற்றம் சுமத்தி இந்த பிரதிவாதிகளுக்கு எதிராக இரத்தினபுரி மேல் நீதிமன்றில் சட்டமா அதிபர் வழக்கு தாக்கல் செய்தார்.

 2007 ஆம் ஆண்டு இரத்தினபுரி மேல் நீதிமன்றம் அந்த வழக்கில் குற்றம் சாட்டப்பட்ட பிரதிவாதிகளுக்கு 5 வருட கடூழியச் சிறைத்தண்டனை விதித்தது.

 குற்றவாளிகள் 6 பேரும் மேன்முறையீட்டு நீதிமன்றத்தில் மேன்முறையீட்டு மனுவை தாக்கல் செய்து, தண்டனையை ரத்து செய்து, தங்களை விடுவிக்க வேண்டும் என்று கோரி மனு தாக்கல் செய்தனர்.

 அதை விசாரித்த மேல்முறையீட்டு நீதிமன்றம் மேல்முறையீட்டு மனுவை தள்ளுபடி செய்தது. இந்த தீர்ப்பை எதிர்த்து, குற்றவாளிகள் உச்ச நீதிமன்றத்தில் மேல்முறையீடு செய்தனர்.

 அந்த மேல்முறையீட்டு மனுவை இன்று தள்ளுபடி செய்து உச்சநீதிமன்றம் தீர்ப்பளித்தது.

 இதன்படி, பிரதிவாதிகளுக்கு இரத்தினபுரி மேல் நீதிமன்றத்தினால் விதிக்கப்பட்ட சிறைத்தண்டனை இன்று முதல் அமுலுக்கு வரும் என உச்ச நீதிமன்ற உத்தரவில் குறிப்பிடப்பட்டுள்ளது.

இச்செய்திக்கு பிரதான அனுசரணை

வீடியோ இங்கே