காட்டு விலங்குகளை துன்புறுத்திய சஃபாரி ஜீப் சாரதிகளை கைது செய்ய நடவடிக்கை

மின்னேரிய தேசிய பூங்காவில் விலங்குகளுக்கு தீங்கு விளைவிக்கும் வகையில் தகாத முறையில் நடந்து கொண்ட ஜீப் சாரதிகள் தொடர்பான தகவல்களை வனஜீவராசிகள் திணைக்களம் கண்டுபிடித்துள்ளது.

 குறித்த இரண்டு ஜீப் சாரதிகள் மீண்டும் பூங்காவிற்குள் பிரவேசிப்பதைத் தடுப்பதற்கு நடவடிக்கை எடுப்பதுடன், குழுவைக் கைது செய்வது குறித்தும் கவனம் செலுத்தப்பட்டுள்ளதாக மின்னேரிய தேசிய பூங்காவின் பேச்சாளர் ஒருவர் தெரிவித்தார்.

 கடந்த ஆண்டு, யால தேசிய பூங்காவில் வன விலங்குகளுக்கு தீங்கு விளைவிக்கும் வகையில் வாகனங்களை ஓட்டிய சம்பவம் பதிவாகியிருந்தது.

 துரதிர்ஷ்டவசமாக, இதேபோன்ற மற்றொரு சம்பவம் மின்னேரியா தேசிய பூங்காவில் இருந்து பதிவாகியுள்ளது.

 மின்னேரியா தேசிய பூங்கா பல சுற்றுலா பயணிகளின் கவனத்தை ஈர்த்த அழகிய இடமாகும்.

 அதனால்தான், உள்நாட்டிலிருந்தும் வெளிநாட்டிலிருந்தும் ஏராளமான மக்கள் இங்கு வந்து செல்வதுடன், சுதந்திரமாகத் திரியும் விலங்குகளுக்கு மட்டுமே ஒதுக்கப்பட்ட, அழகான சுற்றுச்சூழல் அமைப்பு மற்றும் உணர்திறன் வாய்ந்த சுற்றுச்சூழல் மண்டலத்தைப் பார்வையிட வேண்டும்.

 சமீபத்தில், இரண்டு சஃபாரி ஜீப்களுடன் பூங்காவிற்குள் நுழைந்த சிலர் விலங்குகளுக்கு தீங்கு விளைவிக்கும் வகையில் நடந்துகொண்டதை மற்றொரு நபர் தனது மொபைல் போனில் பதிவு செய்திருந்தார்.

இச்செய்திக்கு பிரதான அனுசரணை

வீடியோ இங்கே