ஐசிசி ஒருநாள் தரவரிசை; மீண்டும் நம்பர் 1 இடத்திற்கு முன்னேறிய பாகிஸ்தான் அணி

2023 ஆசிய கோப்பையின் இறுதிப் போட்டியில் இலங்கையை இந்திய கிரிக்கெட் அணி தோற்கடித்தாலும், பாகிஸ்தான் மீண்டும் ஐசிசி ஒருநாள் தரவரிசையில் உலகின் நம்பர் 1 அணியாக முடியும் என்ற தகவல் ஆச்சரியத்தை ஏற்படுத்தியுள்ளது.

முன்னதாக, ரோஹித் ஷர்மா தலைமையிலான இந்தியா தரவரிசையில் முதலிடத்திற்குச் செல்ல அருமையான வாய்ப்பு கிடைத்த நிலையில், ஆசிய கோப்பை சூப்பர் 4 சுற்றின் கடைசி ஆட்டத்தில் வங்கதேசத்திடம் தோற்று அந்த வாய்ப்பை இழந்துள்ளது.

தற்போது 114 ரேட்டிங் புள்ளிகளுடன் இந்தியா மூன்றாவது இடத்தில் உள்ளது. மறுபுறம், பாபர் அசாம் தலைமையிலான பாகிஸ்தான் அணி நம்பர் 1 அணியாக ஆசிய கோப்பையில் நுழைந்தாலும், சூப்பர் 4 சுற்றில் இந்தியா மற்றும் இலங்கையிடம் தோற்றதால் அந்த இடத்தை இழந்தனர்.

இதற்கிடையே, தென்னாப்பிரிக்காவில் நடைபெற்று வரும் ஐந்து போட்டிகள் கொண்ட ஒருநாள் தொடரில் தென்னாப்பிரிக்கா மற்றும் ஆஸ்திரேலியா ஆகிய இரு அணிகளும் தலா 2 வெற்றிகளுடன் சமநிலையில் உள்ளதால், தொடரை வெல்வதற்கான போட்டியாக கடைசி மற்றும் ஐந்தாவது ஒருநாள் போட்டி மாறியுள்ளது.