மத்தல விமான நிலையத்தின் வருவாய் அதிகரிப்பு!

தேசிய கணக்காய்வு அலுவலகம் வெளியிட்டுள்ள சமீபத்திய கணக்காய்வு அறிக்கையின்படி, மத்தல ராஜபக்ஷ சர்வதேச விமான நிலையத்தின் செலவு 2023 ஆம் ஆண்டில் அதன் வருமானத்தை விட எட்டு மடங்கு அதிகரித்துள்ளது.

 கடந்த வருடம் அதன் செயற்பாட்டுச் செலவு 2412.9 மில்லியன் ரூபாவாகவும் வருமானம் 288 மில்லியன் ரூபாவாகவும் இருந்தது. அதன்படி, விமான நிலையத்தின் செலவு அதன் வருமானத்தை விட எட்டு மடங்கு அதிகரித்துள்ளது.

 மத்தள ராஜபக்ச விமான நிலையம் கடந்த வருடம் 2,124.1 மில்லியன் ரூபா நட்டத்தை சந்தித்துள்ளதாகவும் கணக்காய்வு அறிக்கையில் குறிப்பிடப்பட்டுள்ளது.

 மத்தல விமான நிலையத்தின் கடந்த ஆறு வருடங்களில் (2018-2023) வரிக்குப் பிந்தைய மொத்த நிகர இழப்பு 38,489 மில்லியன் ரூபாவாகும்.

 இந்த விமான நிலையத்தின் வருடாந்த பயணிகளின் எண்ணிக்கை ஒரு மில்லியனாக இருந்தாலும், கடந்த ஆறு வருடங்களில் மொத்தப் பயணிகளின் எண்ணிக்கை 190 முதல் 750 பேர் என கணக்காய்வு அறிக்கை மேலும் தெரிவிக்கிறது.

 அந்த ஆறு ஆண்டுகளில் மொத்த விமானங்களின் எண்ணிக்கை 2,182. விமான நிலைய நிர்மாணப் பணிகளுக்காக செலவிடப்பட்ட 36,564 மில்லியன் ரூபா பணம் உரிய முறையில் பயன்படுத்தப்படவில்லை.

 மேலும், விமான நிலையத்தை நிர்மாணிப்பதற்காக முதலில் பெறப்பட்ட 190 மில்லியன் டொலர் வெளிநாட்டு கடனுக்காக வருடாந்தம் 1590 ரூபா கடன் வட்டியாக செலுத்தப்பட்டதாக தணிக்கையில் தெரியவந்துள்ளது.