ஐக்கிய அரபு இராச்சியத்தில் புதிய சட்டம்: 15 வயதிற்குட்பட்ட சிறுவர்களுக்கு சமூக ஊடக கணக்குகள் தடை!

ஐக்கிய அரபு இராச்சியத்தில் வசிக்கும் சிறுவர்கள் மற்றும் பதின்ம வயதினர் (Teenagers) சமூக ஊடகத் தளங்களில் கணக்குகளைத் (Social Media Accounts) துவங்குவதற்கும் பயன்படுத்துவதற்குமான குறைந்தபட்ச வயது எல்லை 15 ஆக அதிகாரப்பூர்வமாக சட்டத்தின் மூலம் நிர்ணயிக்கப்பட்டுள்ளது.

இணைய வழியிலான அச்சுறுத்தல்கள், கணினித் திரை அடிமைத்தனம் (Screen Addiction) மற்றும் மனநல பாதிப்புகளில் இருந்து சிறுவர்களைப் பாதுகாப்பதையும், அவர்களின் டிஜிட்டல் பாதுகாப்பை (Digital Safety) உறுதி செய்வதையும் நோக்கமாகக் கொண்டு இந்த அதிரடி நடவடிக்கை எடுக்கப்பட்டுள்ளது.

Meta (Facebook, Instagram), TikTok, Snapchat மற்றும் X (Twitter) போன்ற அனைத்து முன்னணி சமூக ஊடக நிறுவனங்களும் இந்த 15 வயது எல்லையைத் தங்களின் தளங்களில் கடுமையான முறையில் நடைமுறைப்படுத்த வேண்டும். 

வயது சரிபார்ப்புக்கான (Age Verification) அதிநவீன தொழில்நுட்ப முறைகளை அவர்கள் கையாள வேண்டும். 15 வயதிற்குட்பட்ட தங்களின் பிள்ளைகள் போலி விபரங்களை வழங்கி சமூக ஊடகங்களைப் பயன்படுத்துவதைத் தடுக்கும் பொறுப்பு பெற்றோருக்கு வழங்கப்பட்டுள்ளது. 

விதிகளை மீறும் பட்சத்தில் பெற்றோருக்கு எதிராகவும் சட்ட நடவடிக்கை எடுக்கப்பட வாய்ப்புள்ளது.

சட்டத்தை மீறி 15 வயதிற்குட்பட்ட சிறுவர்களைக் கணக்குகளைத் துவங்க அனுமதிக்கும் சமூக ஊடக நிறுவனங்களுக்கு எதிராக மில்லியன் கணக்கில் அபராதம் விதிக்கவும், தற்காலிகத் தடை விதிக்கவும் புதிய சட்டத்தில் வழிவகை செய்யப்பட்டுள்ளது.

இச்செய்திக்கு பிரதான அனுசரணை

வீடியோ இங்கே