சுவிஸ் ரேவ் துப்பாக்கிச் சூடு - சந்தேக நபருக்கு மனநலப் பிரச்சினைகள் இருப்பதாக அறிவிப்பு

சுவிற்சர்லாந்தின் ஆராவ் அருகே நடந்த ஒரு கொடூரமான ரேவ் துப்பாக்கிச் சூடு சம்பவத்தில் தொடர்புடைய சந்தேக நபருக்கு மனநலப் பிரச்சினைகள் இருப்பதாகவும், கைது செய்யப்பட்டதிலிருந்து அவர் மௌனம் காப்பதாகவும் சுவிஸ் அரசு வழக்கறிஞர்கள் குறிப்பிட்டுள்ளனர்.

சுவிட்சர்லாந்தின் வடக்கு மாகாணமான ஆர்காவின் தலைநகரான ஆராவ்வில் உள்ள பந்தய மைதானத்தில், ஆண்டுதோறும் நடைபெறும் ஒரு ரேவ் விருந்து முடிவடையும் தருவாயில், ஞாயிற்றுக்கிழமை அதிகாலை துப்பாக்கிச் சூடு நடந்தது.

இந்தத் தாக்குதலில் 22 வயதான இத்தாலியப் பெண் ஒருவர் உயிரிழந்தார், மேலும் ஐந்து பேர் துப்பாக்கிக் காயங்களுடன் மருத்துவமனைக்குக் கொண்டு செல்லப்பட்டனர்.

வடமேற்கு சுவிட்சர்லாந்தின் ஜூரா மாகாணத்தில் வசிக்கும் 43 வயதான சுவிஸ் நபர் ஒருவர், அப்பகுதியின் முக்கிய நகரமான டெலிமாண்டில் உள்ள காவல்துறையிடம் சரணடைந்தார்.

அந்த நபர் நடந்த சம்பவங்கள் குறித்து எந்த விளக்கமும் அளிக்கவில்லை, ஆனால் தனது தனிப்பட்ட சூழ்நிலை குறித்து சில தகவல்களை அளித்துள்ளார்.

இச்செய்திக்கு பிரதான அனுசரணை

வீடியோ இங்கே