புகை மூட்டம் காரணமாக மலேசியாவின் சரவாக் மாநிலத்தில் அவசர நிலை அறிவிப்பு

அண்டை நாடான இந்தோனேசியாவில் உள்ள காடுகள் மற்றும் சதுப்பு நிலங்களில் ஏற்பட்ட தீயுடன் தொடர்புடைய அடர்த்தியான புகைமூட்டம், காற்று மாசுபாட்டை அபாயகரமான நிலைக்குத் தள்ளியதைத் தொடர்ந்து, மலேசியாவின் சரவாக் மாநிலத்தின் செரியான் மாவட்டத்தில் அவசரநிலை அறிவிக்கப்பட்டுள்ளது.

பிரதமர் அன்வர் இப்ராஹிம் வெளியிட்ட ஓர் அறிக்கையில், மலேசிய மன்னர் சுல்தான் இப்ராஹிம் இந்த அவசரநிலை பிரகடனத்திற்கு ஒப்புதல் அளித்துள்ளதாகத் தெரிவித்தார்.

"அரசாங்கம் நிலைமைகளைத் தொடர்ந்து கண்காணித்து, தணிப்பு நடவடிக்கைகள் மற்றும் பொதுமக்களுக்குத் தகவல் மற்றும் சுகாதார ஆலோசனைகளைப் பரப்புதல் உள்ளிட்ட அனைத்துத் தேவையான நடவடிக்கைகளும் உடனடியாகச் செயல்படுத்தப்படுவதை உறுதி செய்யும்" என்று அவர் குறிப்பிட்டுள்ளார்.

செரியானில் காற்று மாசுபடுத்தும் குறியீடு (API) 500ஐத் தாண்டி அவசரநிலை பிரகடனத்திற்கான வரம்பைக் கடந்துள்ளது.

இச்செய்திக்கு பிரதான அனுசரணை

வீடியோ இங்கே