இலங்கை மற்றும் போலந்து நாடுகளுக்கு இன்று முதல் நேரடி விமான சேவைகள் ஆரம்பம்

ஈஸ்டர் ஞாயிறு தாக்குதலின் பின்னர் இடைநிறுத்தப்பட்டிருந்த இலங்கைக்கும் போலந்துக்கும் இடையிலான நேரடி விமான சேவைகள் இன்று முதல் மீண்டும் ஆரம்பிக்கப்படும் என சுற்றுலாத்துறை அமைச்சு தெரிவித்துள்ளது.

அதன்படி போலந்துக்கும் இலங்கைக்கும் இடையிலான நேரடி விமான சேவையை Lot Polish Airlines இன்று முதல் ஆரம்பிக்கவுள்ளது.

Lot Polish Airlines திங்கள், புதன் மற்றும் சனிக்கிழமைகளில் நாட்டிற்கு வரவுள்ளதாக அமைச்சகம் தெரிவித்துள்ளது.

சுற்றுலாத்துறை அமைச்சர் பிரசன்ன ரணதுங்கவிற்கும் இலங்கைக்கான போலந்து தூதுவர் பேராசிரியர் ஆடம் பரகூஸ்கிக்கும் இடையில் இன்று இடம்பெற்ற கலந்துரையாடலின் போதே இந்த விடயம் தெரியவந்துள்ளது.

கொவிட் 19 தொற்று காரணமாக இலங்கைக்கான சேவைகளை நிறுத்தியிருந்த பல விமான சேவைகளும் மீண்டும் செயற்பாடுகளை ஆரம்பிப்பதற்கான ஏற்பாடுகளை மேற்கொண்டுள்ளதாக அமைச்சர் பிரசன்ன ரணதுங்க தெரிவித்துள்ளார்.

கோவிட் -19 வெடிப்பதற்கு முன்னர், 37 விமான நிறுவனங்கள் இலங்கைக்கு நேரடி விமானங்களை இயக்கின, நாடு மீண்டும் திறக்கப்பட்டதிலிருந்து, 23 விமான நிறுவனங்கள் இலங்கைக்கான பயணிகள் விமானங்களை மீண்டும் தொடங்கியுள்ளன.

மேலும் எட்டு விமான நிறுவனங்கள் சரக்கு போக்குவரத்தை மீண்டும் தொடங்கியுள்ளன என்று அமைச்சர் மேலும் தெரிவித்துள்ளார் .