அமெரிக்காவினால் வெளியிடப்பட்டுள்ள வருடாந்த மனித கடத்தல் செயற்பாட்டில் இரண்டாம் இடத்தில் இலங்கை!

அமெரிக்காவினால் வெளியிடப்பட்டுள்ள வருடாந்த மனித கடத்தல் அறிக்கையில் இலங்கை 2 ஆம் நிலைக்கு தரம் உயர்த்தப்பட்டுள்ளது.

இலங்கை அரசாங்கம் ஆட்கடத்தலை ஒழிப்பதற்கான குறைந்தபட்ச தரங்களை முழுமையாக பூர்த்தி செய்யவில்லை ஆனால் அதற்கான குறிப்பிடத்தக்க முயற்சிகளை மேற்கொண்டு வருவதாக அமெரிக்காவின் அறிக்கை கூறுகிறது.

கொரோனா தொற்றின் மத்தியிலும் அரசாங்கம் மேற்கொண்ட முயற்சிகளை கருத்திற்கொண்டே, இந்த தரயுயர்வு மேற்கொள்ளப்பட்டுள்ளது.

இந்த முயற்சிகளில் சிறுவர் கடத்தலில் ஈடுபட்டதாகக் கூறப்படும் பல இலங்கை அதிகாரிகளின் விசாரணைகள் மற்றும் கடத்தல் விசாரணைகளை வலுப்படுத்த ஒரு சிறப்புப் பிரிவை நிறுவுதல் உள்ளிட்ட விடயங்கள் அடங்கியிருந்தன.

வெளிநாட்டில் சுரண்டப்படும் புலம்பெயர்ந்த தொழிலாளர்கள் உட்பட மேலும் பாதிக்கப்பட்டவர்களை அரசாங்கம் அடையாளம் கண்டுள்ளது.

பரிந்துரைகளுக்கான இணையம் மூலமான ஆதரவையும் சேர்க்க அரசாங்கம் அதன் அவசர சேவைகளை விரிவுபடுத்தியுள்ளது.

அத்துடன் கடத்தலால் பாதிக்கப்பட்டவர்கள் உட்பட குற்றத்தால் பாதிக்கப்பட்டவர்களுக்கு இடமளிக்க அரசாங்கம் ஒரு புதிய தங்குமிட வசதியை ஏற்படுத்தி கொடுத்துள்ளது.

இருப்பினும் பல முக்கிய பகுதிகளில் அரசாங்கம் குறைந்தபட்ச தரத்தை பூர்த்தி செய்யவில்லை என்று அமெரிக்காவின் அறிக்கை கூறுகிறது.

அரசாங்கம் குறைவான ஆட்கடத்தல் வழக்குகளையே தாக்கல் செய்தது.

மேலும் கடத்தல்காரர்களுக்கான தண்டனைகள் போதுமானதாக இல்லை.

கடத்தலால் பாதிக்கப்பட்டவர்களை அடையாளம் காணும் உள்ளூர் அதிகாரிகளின் திறன் குறைவாகவே இருந்தது.

இதில் குறிப்பாக வணிகப் பாலுறவில் உள்ள பெண்கள், துணை வெளிநாட்டு முகவர்கள் மற்றும் பாதுகாப்பான மற்றும் சட்டப்பூர்வ குடியேற்றத்தை குறைமதிப்பிற்கு உட்படுத்தும் கொள்கைகள் மற்றும் புலம்பெயர்ந்த தொழிலாளர்கள் எதிர்கொள்ளும் கடத்தலுக்கான பாதிப்புகளை அரசாங்கம் திறம்பட நிவர்த்தி செய்யவில்லை என்று அமெரிக்க அறிக்கை சுட்டிக்காட்டியுள்ளது.