இலங்கைக்கு உதவ தமிழகத்திற்கு அனுமதி வழங்கப்பட்டுள்ளது

இந்திய மத்திய அரசு இலங்கைக்கு வழங்கும் உதவிக்கு கூடுதலாக தமிழக அரசும் உதவி செய்ய முடியும் என இந்திய வெளிவிவகார அமைச்சர் டாக்டர் எஸ்.ஜெய்சங்கர் தெரிவித்தார்.

இலங்கை மக்களுக்கு அரிசி மற்றும் அத்தியாவசிய மருந்துகளை வழங்க அனுமதி கோரி தமிழ்நாடு அரச சபையில் தீர்மானம் நிறைவேற்றப்பட்டதை அடுத்து இந்திய வெளிவிவகார அமைச்சர் இதனைத் தெரிவித்துள்ளார்.

கொழும்பில் உள்ள இந்தியக் குழுவிடம் ஆலோசனை கேட்டுள்ளதாக இந்திய வெளிவிவகார அமைச்சர் தமிழக முதல்வர் மு.க.ஸ்டாலினுக்கு எழுதியுள்ள கடிதத்தில் தெரிவித்துள்ளார்.

இலங்கை அரசாங்கத்தின் சம்மதத்துடன் இந்த உதவிகளை வழங்க முடியும் என எஸ்.ஜெய்சங்கர் உரிய கடிதத்தில் தெரிவித்துள்ளதாக இந்திய ஊடகங்கள் செய்தி வெளியிட்டுள்ளன.