8 பேருக்கு பிரதமர் பதவி.. 54 பேருக்கு அமைச்சர் பதவி..வாக்குறுதி வழங்கிய ரணில்? குரல்பதிவு வெளியானதாக தகவல்
எதிர்வரும் புதன்கிழமை ஜனாதிபதித் தேர்தலில் போட்டியிடவுள்ள ரணில் விக்கிரமசிங்க, ஸ்ரீலங்கா பொதுஜன பெரமுனவை பிரதிநிதித்துவப்படுத்தும் 8 நாடாளுமன்ற உறுப்பினர்களுக்கு பிரதமர் பதவி வழங்கப்படும் என உறுதியளித்துள்ளதாக தெரிவிக்கப்படுகின்றது.
மேலும் 54 பாராளுமன்ற உறுப்பினர்களுக்கு அமைச்சரவை பதவிகள் வழங்கப்படும் என ரணில் விக்கிரமசிங்கவால் உறுதியளிக்கப்பட்டுள்ளதாக தெரிவிக்கப்படுகின்றது.
இது தவிர ஏனைய அனைவருக்கும் அரசாங்க அமைச்சுக்கள் வழங்கப்படும் எனவும் உறுதியளிக்கப்பட்டுள்ளது.
எனினும், இலங்கையின் அரசியலமைப்பின் பிரகாரம் ஒருவருக்கு மட்டுமே பிரதமர் பதவிக்கு உரிமை உண்டு, அமைச்சரவை அமைச்சர்களின் எண்ணிக்கை முப்பதுக்கும், இராஜாங்க அமைச்சர்களின் எண்ணிக்கை நாற்பதுக்கும் மட்டுப்படுத்தப்பட்டுள்ளது.
ஸ்ரீலங்கா பொதுஜன பெரமுனவின் நாடாளுமன்ற உறுப்பினர்களுக்கிடையில் நேற்று பாராளுமன்றம் கூடிய போது, ரணில் விக்கிரமசிங்க வழங்கிய வாக்குறுதிகள் வெளியாகியுள்ளதோடு, அவர் ஏமாற்றி விட்டதாக பெரும்பான்மையான உறுப்பினர்கள் மத்தியில் பலத்த சந்தேகம் எழுந்துள்ளது.
கொழும்பு, கம்பஹா மற்றும் காலி மாவட்டங்களை பிரதிநிதித்துவப்படுத்தும் மூன்று பொஹொட்டு பாராளுமன்ற உறுப்பினர்களும் பிரதமர் பதவியை பெற்றுக்கொள்ளும் நம்பிக்கையில் உள்ளதாக தெரிவிக்கப்படுகிறது.
இதேவேளை, கம்பஹா மாவட்டத்தை பிரதிநிதித்துவப்படுத்தும் ஸ்ரீலங்கா பொதுஜன பெரமுனவைச் சேர்ந்த தமக்கு ஆதரவளிக்கவில்லை என சந்தேகிக்கப்படும் பொஹொட்டு உறுப்பினர்களுடன் தொடர்பு கொண்டு, அவர்களுக்கு பணம் மற்றும் பல்வேறு சலுகைகள் வழங்கப்படும் என தொலைபேசியில் அழைப்பு விடுத்துள்ளதாக தெரிவிக்கப்படுகிறது.
பல பாராளுமன்ற உறுப்பினர்கள் இந்த தொலைபேசி அழைப்புகளை பதிவு செய்துள்ளனர் மற்றும் அந்த ஒலிப்பதிவு ஏற்கனவே பல வேட்பாளர்கள் மற்றும் போராட்டக்காரர்களின் கைகளில் வெளியாகி உள்ளதாக தெரிவிக்கப்படுகிறது.
இந்த தொலைபேசி பதிவுகள் ஏற்கனவே ஜனாதிபதியின் சட்டத்தரணிகள் பல குழுக்களால் பகுப்பாய்வு செய்யப்பட்டு, இது தொடர்பான சட்ட நடவடிக்கைகளை ஆரம்பிக்க நடவடிக்கை எடுக்கப்பட்டுள்ளது.
எதிர்வரும் புதன்கிழமை ஜனாதிபதி தேர்தலுக்கு முன்னதாக இந்த தொலைபேசி அழைப்புகளை ஊடகங்களுக்கு வெளியிட திட்டமிடப்பட்டுள்ளதாகவும் தெரிவிக்கப்படுகிறது.
