ஸ்னைப்பர் ரக ஆயுதம் தயாரித்த இளைஞர் ஒருவர் கைது

இராணுவ ஸ்னைப்பர்கள் பயன்படுத்தும் ஆயுதம் போன்ற நவீன ரக துப்பாக்கியை உருவாக்கிய நபர் ஒருவர் கைது செய்யப்பட்டுள்ளார்.

சந்தேக நபரிடம் இருந்து கண்டெடுக்கப்பட்ட துப்பாக்கி சுமார் 04 அடி நீளமானது.

சம்பவம் தொடர்பில் புனர்வாழ்வளிக்கப்பட்ட நபர் ஒருவர் கைது செய்யப்பட்டுள்ளதாக வாத்துவ பொலிஸார் தெரிவித்தனர்.

சந்தேகநபர் 28 வயதுடைய வாத்துவ, தல்பிட்டிய பிரதேசத்தைச் சேர்ந்த ஒருவரே, இவர் சில காலமாக போதைப்பொருள் பாவனையிலிருந்து மீண்டு வந்தவராவார்.

தூக்கி எறியப்பட்ட பிளாஸ்டிக் பாகங்கள், வெள்ளி பாகங்கள், ஸ்ப்ரின், இரும்பு மற்றும் அலுமினிய குழாய்கள் இந்த ஆயுதத்தை தயாரிக்க பயன்படுத்தப்பட்டுள்ளன.

பொலிஸாரின் கூற்றுப்படி, பிளாஸ்டிக் மற்றும் கண்ணாடி லென்ஸ்கள் பயன்படுத்தி ஆயுதத்துடன் தொலைநோக்கியும் இணைக்கப்பட்டுள்ளது.

சந்தேகநபரிடம் மேற்கொள்ளப்பட்ட விசாரணையின் போது, ​​இணையத்தில் தயாரிக்கப்பட்ட துப்பாக்கி காட்சிகளை பார்த்து அவர் இந்த ஆயுதத்தை தயாரிக்க ஆரம்பித்ததாக தெரிவிக்கப்பட்டுள்ளது.

இந்த ஆயுதம் சிறிய இரும்பு பந்துகளால் பூனைகள் மற்றும் பறவைகளை சுட பயன்படுத்தப்பட்டது.

சுடப்பட்ட விலங்குகள் அதே இடங்களில் கீழே விழுந்து உயிரிழந்துள்ளதாக மேலதிக விசாரணைகளில் தெரியவந்துள்ளது.

மேலும் மாற்றியமைப்பதற்காக துப்பாக்கி பாகங்களாக எடுத்துச் செல்லப்பட்டு சந்தேக நபருடன் கைது செய்யப்பட்டுள்ளார்.

சந்தேக நபர் பாணந்துறை நீதவான் நீதிமன்றில் ஆஜர்படுத்தப்படவுள்ளார்.